Chronicle of Gregory 1460. Oct 1460. Ande he kepte Kynge Harry there by fors and strengythe, tylle at the laste the kynge for fere of dethe grauntyd hym the crowne, for a man that hathe by ly tylle wytte wylle sone be a feryd of dethe, and yet I truste and bee-leve there was no man that wolde doo hym bodely harme. But the lordys entretyd that Kyng Harry shuld rejoyse the crowne durynge hys lyffe, and aftyr hys lyffe that the crowne sholde returne unto the dukys ys a hayrys as hyt requyrythe by that tytylle, and here uppon they were swore to ben faythefulle and trewe unto Kyng Harry. And alle so that hyt shulde [be] b graunte treson to them that spake any evyr c by the Duke of Yorke or hys wyffe, or any of hys chyldryn. And alle the lordys grauntyd there to, and soo hyt was proclaymyd in London and in many placys of Inglond. And that the for-sayde duke shulde have owte of the crow[n]e yerely to hys expence, for hym and hys hayrys durynge Kyng Harrys lyffe, xM [Note. 10000] marke in mony. Thys acordement was made the laste day of October.