Early Medieval Books, Chronicle of Gregory 1431

19th May 1431. Ande that year there was on namyd him selfe Jacke Sharpe that wolde have made a rysynge in the cytte of London, for he wolde have take out the temperalteys of Hooly Chyrche; but the xix day of May he was take at Oxforde and v moo of secte, and whythe yn fewe dayes he was drawyd, hangyde, and quarteryde, and his hede sete on London Brygge, and his quarterys i-sent to dyvers townys of Ingelonde, as to Oxforde, Abyngdon, and to moo othyr. And some of his h felowys were takyn at Govyntre, and there they were drawe, hangyd, and quarteryd; and a woman was be-heddyd at the galous.

23rd July 1431. And the xxiij day of Julyy there was one Kusselle i-drawe, hanggyd, and quarteryde, and his hedde was sette on Londyn Brygge, and his quarterys in dyvers placys in London; for he wolde have made newe lordys, dukys, erlys, and baronys, aftyr his entente & his oppynyon, &c.

17th July 1431. Ande the same year, in the monythe of Juylle, the xvij day, the posterne be-syde the Towre [Map] sanke downe into the erthe vij [7] fote and more.

11th August 1431. And the same year, the xj day of Auguste, the Earl of Warwyke (age 49), the Earl of Stafforde (age 28), slowe and toke a grete nombyr of pepylle be-syde Bevys; and ther was take on Potyn and a scheparde that was namyd le Bergere, and he namyd him sylfe hooly and a saynte, for the Fraynysche men hadde a be-leve on him that yf he hadde layde his honde on a castelle walle that it shulde have fallyn downe by the power of his holynys.

3rd December 1431. Ande that year the kyng (age 9) passyde the see in to Fraunce, and wente unto Parysse [Map]; and he come thedyr the thyrde day of Decembyr.